İsveç polisinə casus proqramından istifadəyə icazə verilib
Bu həftə İsveçin hüquq-mühafizə orqanları şifrlənmiş rabitə əlaqəsini ələ keçirmək üçün şübhəli cihazlara casus proqramı quraşdırmaq səlahiyyətinə yiyələniblər. Bu barədə İsveçin Daxili İşlər naziri Mikael Damberq məlumat verib.
“ICTnews” Elektron Xəbər Xidməti “
securitylab.ru” saytına istinadən yazır ki, onun sözlərinə görə, şifrlənmiş rabitə əlaqəsini ələ keçirmək üçün polisin hüquqi və texniki imkanlarla təmini prioritet məsələ olub. Nazir izah edib ki, “Signal” və “WhatsApp” kimi xidmətlərdən istifadə edərək öz fəaliyyətlərini quran cinayətkar qruplar texniki baxımdan polisdən bir addım öndə idilər. O bildirib ki, son bir neçə ildə hüquq-mühafizə orqanlarının əməkdaşları tərəfindən ələ keçirilmiş bütün rabitə əlaqələrinin 90%-i şifrlənib.
Emil Hüseynov