Azərbaycanın ilkin provayderi olan "Delta Telecom" şirkəti www.eurovision.az internet resursunun təhlükəsizliyini təmin edəcək. Bu barədə şənbə günü şirkətin texniki direktoru Rahid Ələkbərli məlumat verib.
Onun sözlərinə görə, hazırda saytın dünyanın qlobal DATA-mərkəzləri, eləcə də "Delta Telecom" şirkətinin DATA-mərkəzində yerləşdirilməsi üzrə işlər görülür. "Müsabiqənin keçirilməsinə hazırlıq dövüründə texnoloji infrastrukturun hazırlanması və keyfiyyətli xidmətlərin göstərilməsi dövlət başçısı tərəfindən bizim qarşımızda qoyulan tələblərin əsas tərkib hissəsidir.
İnternet resurs mahnı müsabiqəsinin əsas virtual təsviri olacaq və bizim vəzifəmiz dünyanın bütün DATA-mərkəzlərindən ona keyfiyyətli və rahat çıxışı təmin etməkdən ibarətdir", - Ələkbərli deyib.