Rabitə və İnformasiya Texnologiyaları Nazirliyinin elektron xəbər xidməti

“Google Disk” xidmətində avtomatik "təmizləmə" funksiyası əlçatan olacaq


“Google” şirkəti “Google Drive” bulud xidmətinə yeni funksiya əlavə etməyə hazırlaşır. Proqramçıların fikrinə görə, boş disk yeri çatışmazlığının qarşısını almaq üçün istifadəçilərə müəyyən bir müddətdən sonra lazımsız faylları avtomatik silmə imkanı təklif ediləcək.

 

“ICTnews” Elektron Xəbər Xidməti “4pda.ru” saytına istinadən yazır ki, zibil qutusuna atılmış faylların “öz-özünə” təmizlənməsi bulud xidmətinin göstərilən bölməsinə yerləşdirildiyi gündən 30 gün sonra icra ediləcək. “Google” şirkəti bir çox istifadəçinin zibil qutusunu təmizləməyi unutması nəticəsində boş disk yeri çatışmazlığı ilə qarşılaşması ilə əlaqədar belə bir qərar qəbul edib.

 

13 oktyabr 2020-ci il tarixinə planlaşdırılmış yeniləmədən sonra öz-özünə silinmə əlavə xəbərdarlıq olmadan avtomatik silinmə icra ediləcək.

 

Emil Hüseynov






16/09/20    Çap et