“Sony” öz payını “Samsung”a satacaq

“Sony” şirkəti maye kristal panellər istehsal edən ortaq müəssisədəki 50%-lik payını “Samsung” şirkətinə satmağa qərar verib. Sazişin dəyəri 940 milyon təşkil edəcək.

Əgər tənzimçilər razılaşmanı təsdiqləsələr, o zaman sazişi 2012-ci ilin yanvar ayının sonunda bağlamaq planlaşdırılır. Bundan sonra “Samsung” şirkəti ortaq müəssisənin bütün səhmlərinin sahibi olacaq.

“Sony” və “Samsung” şirkətləri, həmçinin maye kristal panel tədarükləri  sahəsindəki əməkdaşlıqlarını davam etdirmək haqqında razılaşıblar.

---