Pensiyaların avtomatlaşdırılmış təyinatı olacaq

Bu il Azərbaycanın sığorta-pensiya sistemində gözlənilən yeniliklərdən biri də pensiyaların avtomatlaşdırılmış təyinatı olacaq.

Dövlət Sosial Müdafiə Fondunun (DSMF) sədri Səlim Müslümov bildirib ki, aparılan tədbirlər bu prosesə artıq 2012-ci il sentyabrın əvvəlində başlamağa imkan verir.

Cari ilin 6 ayında fərdi uçot sistemində qeydiyyatda olan 1 milyon 966 min 607 şəxsin və bundan sonra da qeydiyyata düşəcək digər şəxslərin 2006-cı ilədək olan stajları barədə məlumatlar toplanıb başa çatdırılacaq və bundan sonra heç bir sənəd tələb olunmadan onların pensiyaları təyin olunacaq.

Bu il digər yenilik plastik kartların DSMF-nin şöbələri tərəfindən yox, banklar tərəfindən verilməsi olacaq.

---