İKT

Tarix:12/03/12

Daxili İşlər Nazirliyinə 500-ə yaxın «elektron imza» verilib

Daxili İşlər Nazirliyinə 500-ə yaxın elektron imza verilib. Bu barədə "İCTnews" elektron xəbər xidmətinə Rabitə və İnformasiya Texnologiyaları Nazirliyinin Məlumat Hesablama Mərkəzinin (MHM) baş mütəxəssisi, «e-imza» layihəsinin rəhbəri Nadir Rəsulov məlumat verib.

Hazırda İqtisadi İnkişaf Nazirliyi ilə də intensiv işlərin aparıldığını önə çəkən N.Rəsulov deyib ki, bu istiqamətdə sonrakı sənədlərin hazırlanması, eləcə də sonrakı görüləcək işlər adıçəkilən nazirliyin müraciətindən asılı olacaq: «Yəni artıq bu işlər gedir. Yaxın günlərdə bu istiqamətdə də müəyyən nəticələrin olacağı gözlənilir».

N.Rəsulov onu da əlavə edib ki, hazırda MHM-nin mərkəzi serverinə daxil olan operatorların iş yerinin «Elektron imza»ya qoşulması məsələsi gündəlikdədir: «Bu istiqamət üzrə də tədbirlər həyata keçirilir».

SEYMUR

Baxış sayı: 907