XƏBƏRLƏR

Tarix:16/03/12

Televizor bazarında artım sürəti zəifdir

2011-ci ildə maye kristal televizor tədarükləri 205 milyon təşkil edib. Bu nəticə keçən ilin göstəricisini 7% ötür. Bu barədə “NPD DisplaySearch” analitiklərinin tədqiqat hesabatında qeyd olunub.
“İCTnews” elektron xəbər xidmətinin məlumatına görə, 2012-ci ildə 225 milyon “LCD” modeli istehsal ediləcək.

Analitiklər maye kristal televizor bazarında artım sürətinin azalmasını qeyd ediblər. 2011-ci ilin dördüncü rübündə “LCD TV” sektorunda tədarüklər illik hesablamada yalnız 1% artıb. Bu, bazarın “DisplaySearch” şirkəti tərəfindən monitorinq edilməsinin bütün tarixi ərzində ən aşağı artım göstəricisidir.

2011-ci ildə plazma televizor seqmentində 7% azalma qeyd olunub. Ümumilikdə televiziya bazarı 6 il ərzində ilk dəfə olaraq 0,3% azalıb, lakin televizorların sayı 247,7 milyon təşkil edib.

"2011-ci ildə televizorlara tələbatın azalması səbəbləri mürəkkəbdir. Hərçənd maye kristal televizor bazarında artım qeyd olunub, onun nəticələri proqnozlardan aşağıdır" - “NPD DisplaySearch” şirkətindən Şimali Amerikanın televizor bazarının tədqiqatı üzrə direktor Pol Qanon (Paul Gagnon) məlumat verib. "Tədarüklərin aşağı səviyyəsi həddindən artıq yüksək ehtiyatlarla bağlıdır".

EMİL

Baxış sayı: 994