12px13px15px17px
Tarix:04/04/12

Bütün müəllimlər interaktiv təlim texnologiyaları və inklüziv təhsil üzrə ixtisas artıracaq

Təhsil Nazirliyi "Əlavə təhsil" sahəsində əsas hədəflərini müəyyənləşdirib. Belə ki, yaxın müddətdə bütün ümumi təhsil müəssisələri müəllimlərinin fəal, interaktiv təlim texnologiyaları və inklüziv təhsil üzrə məqsədli ixtisasartırmasının təmin edilməsi nəzərdə tutulur.

Bundan başqa, müəllimlərə metodik kömək məqsədilə onlar üçün müasir qiymətləndirmə meyarlarının, vasitələrinin, monitorinq mexanizmlərinin və təhsilin təşkili üzrə digər tədris-metodik vəsaitlərinin hazırlanması, eləcə də tətbiqinin təmin edilməsi planlaşdırılır.

Bu barədə "İCTnews" elektron xəbər xidmətinə Təhsil Nazirliyindən məlumat verilib. Nazirlikdən bildirilib ki, müəllimlərin karyera inkişafı və fəaliyyətinin stimullaşdırılması da "Əlavə təhsil" sahəsində müəyyənləşdirilən vacib istiqamətlərdəndir.

Nazirlik qabaqcıl müəllimlərin iş təcrübəsinin öyrənilib yayılması sahəsində müasir tələblərə uyğun sistemin yaradılmasını nəzərdə tutur. Bu sahədə digər vacib istiqamət isə dərəcələrin yüksəldilməsi və yaşlıların təhsili üzrə qayda və mexanizmlərin işlənib tətbiq edilməsidir.



HƏQİQƏT



Baxış sayı: 2359

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024