12px13px15px17px
Tarix:06/04/12

“İntel” avtomobillər üçün prosessorlar tədarük edəcək

“İntel” korporasiyasından bildirilib ki, yeni “Atom” mikroprosessorları 2013-cü ildən etibarən “Nissan” avtomobillərinin kompyuter multimedia sistemlərində istifadə ediləcək. Çip istehsalçısı bundan əvvəl “Toyota” korporasiyası (2011-ci ilin sonunda) ilə oxşar saziş bağlamışdı.

“Toyota” ilə imzalanmış sazişin şərtlərinə görə, “İntel” şirkəti, həmçinin onun avtomobil infoteynment-sistemləri üçün prosessorlar tədarük edəcək. Bundan əlavə, “Atom” çiplərindən “BMW” və “Mercedes-Benz” şirkətlərinin istehsalı olan avtomobillərin kompyuter multimedia sistemlərində istifadə edilməsi planlaşdırılır.

“İntel İntelligent Systems”-in vitse-prezidenti Ton Stinman bildirib ki, “Nissan” şirkəti yeni “Atom” prosessorlarından "istehlakçılar üçün rəqəmli həyat tərzini yalnız evdə deyil, həm də avtomobildə yaratmağa görə” istifadə edəcək. “İntel” korporasiyasından bildirilib ki, avtomobil kompyuter sistemlərinin əhəmiyyəti getdikcə artır; belə ki, statistikaya görə, insan il ərzində avtomobildə 2 ay vaxt keçirir.
 


EMİL
 




Baxış sayı: 1313

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024