12px13px15px17px
Tarix:11/04/12

“İntel” korporasiyası 200 dollarlıq məktəb planşeti təqdim edib

“İntel” korporasiyası “Studybook” adlı planşet təqdim edib. Planşetin məktəb şagirdləri üçün nəzərdə tutulduğu güman edilir.

“İCTnews.az” elektron xəbər xidməti “lenta.ru” saytına istinadən bildirir ki, planşetin çəkisi 525 qramdır və o, 7 düym diaqonallı rəngli maye kristal ekranla, 1.5 QHs takt tezlikli “Atom Z650” prosessoru ilə təchiz edilib. Əməli yaddaş tutumu 1 qiqabaytdır.

“Studybook” planşeti, həmçinin “USB” və “HDMI” portları, qulaqlıqlar üçün birləşdirici, mikrofon, “microSD” və “SİM” kartlar üçün slot və 2 ədəd kamera ilə təchiz olunub. Avtonom iş müddəti 5,5 saata qədər təşkil edir.

Məktəb planşetinin korpusu plastik kütlədən hazırlanıb.
“Studybook” planşetinə həm “Windows 7”, həm də “Android 3.x” əməliyyat sistemi quraşdırıla bilər. Aparata ixtisaslaşdırılmış proqram təminatı quraşdırılacaq.

Planşeti “İntel” korporasiyası deyil, şirkət-partnyorlar istehsal edəcəklər. Məhz onlar “Studybook” planşetinin qiymətini müəyyən edəcəklər. Lakin  “İntel”in hesablamalarına görə, qurğunun qiyməti 200 dollardan baha olmayacaq.
 
EMİL
 




Baxış sayı: 1310

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024