İKT

Tarix:25/04/12

Britaniyanın “ARM Holdings” şirkətinin mədaxili artıb

Britaniyanın "ARM Holdings" şirkəti 2012-ci ilin birinci rübü üzrə hesabat verib. Qeyd edim ki, "ARM Holdings" şirkətinin istehsal etdiyi mikroprosessorlar bir çox müasir mobil qurğularda istifadə olunur.

"İCTnews.az" elektron xəbər xidməti "dailycomm.ru" saytına istinadən bildirir ki, hesabat dövründə şirkətin mənfəəti keçən illə müqayisədə 22% artıb və 61,9 milyon funt-sterlinq (təxminən 100 milyon ABŞ dolları) təşkil edib. Mədaxil isə 209,4 milyon dollara bərabər olub.

Hesabatda, həmçinin qeyd edilib ki, smartfon və planşetlərdə istifadə edilən "ARM" şirkətinin istehsalı olan prosessorların tədarük həcmi 2012-ci ilin yanvar-mart ayları dövründə əvvəlki səviyyədə (1,1 milyard) qalıb.

EMİL

Baxış sayı: 1157