12px13px15px17px
Tarix:17/05/12

Azərbaycanda "Paypoint" terminalları vasitəsilə kredit ödənişi xidmətinin əhatəsi genişlənib

"Komtec" şirkəti "Paypoint" özünəxidmət terminalları vasitəsilə kredit ödənişi xidmətinin təşkili məqsədilə altı bankla müqavilə bağlayıb. Bu barədə "Komtec" şirkətinin kommersiya direktoru Fərid İsmayılzadə bildirib.

Yaxın vaxtlarda sakinlər "Paypoint" vasitəsilə "Turanbank", "AGBank", "Unibank", "Express Bank", "Bank Respublika" və "Azərbaycan Sənaye Bank"ından aldıqları kreditləri ödəmək imkanı əldə edəcəklər.
Hazırda "Paypoint" terminalı vasitəsilə "DəmirBank"ın kreditlərini ödəmək mümkündür.

Terminal vasitəsilə kreditlərin ödənilməsi üçün ekranda "Bank xidmətləri" düyməsini seçmək, abunəçi kodunu (kreditin ödənişi üçün cari hesab nömrəsini) daxil etmək, təsdiqləmək, pulları qəbulediciyə daxil etmək, qəbzi götürmək və saxlamaq lazımdır. Kreditlərin ödənilməsi üzrə müştəridən heç bir komissiya tutulmur.

Saat 17:00-dan sonra və qeyri-iş günləri olan ödənişlər növbəti iş günü hesabınıza köçürülür. Terminal yalnız manat qəbul edir, ABŞ dolları ilə olan kredit üzrə valyuta kurslarını nəzərə alaraq manatla ödəniş etmək olar.




Baxış sayı: 3013

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024