12px13px15px17px
Tarix:22/05/12

TQDK-nın internet saytına şagird məlumatlarının daxil edilməsi üçün xüsusi proqram yerləşdiriləcək

Tam orta təhsil səviyyəsini əvvəlki dərs illərində başa vuran, amma buraxılış imtahanına buraxılmayan, imtahanda iştirak etməyən və ya buraxılış imtahanında qeyri-kafi qiymət(lər), o cümlədən eksternat qaydasında bu il attestasiyada iştirak etmək üçün təhsil aldıqları təhsil müəssisələrinə müraciət etmiş və imtahana buraxılması haqqında həmin təhsil müəssisəsində yaradılan xüsusi komissiya tərəfindən qərar qəbul edilmiş şəxslər haqqında müvafiq məlumatlar may ayının 24-dək Tələbə Qəbulu üzrə Dövlət Komissiyasının (TQDK)  "office@/tqdk.gov.az" email ünvanına "EXCEL" faylı şəklində göndərilməlidir.

Bu barədə "İCTnews" elektron xəbər xidmətinə Tələbə Qəbulu üzrə Dövlət Komissiyasından məlumat verilib. Komissiyadan şəhər (rayon) təhsil şöbələrinin, peşə liseylərinin rəhbərlərinin nəzərinə çatdırılıb ki, bu məlumatlara şagirdin TİMS-kodu, şagird kodu, adı, soyadı, atasının adı, buraxılış sinfi (IX və ya XI sinif), bölmə (Azərbaycan və ya rus), qeyri-kafi qiymət aldığı fənn (təkrar imtahana girənlər üçün) və məzun olduğu il daxildir.

Mayın 27-dən sonra isə TQDK-nın internet saytına yerləşdiriləcək xüsusi proqram vasitəsi ilə bu şəxslərin hər bir fənn üzrə buraxılışdan əvvəlki və buraxılış siniflərinin yekun (illik) və buraxılış imtahanının qiymətləri təhsil şöbələri (peşə liseyləri) tərəfindən daxil ediləcək.

Belə ki, tam orta təhsil səviyyəsini əvvəlki dərs illərində başa vuran, lakin buraxılış imtahanına buraxılmayanlar üçün buraxılışdan əvvəlki və buraxılış siniflərinin illik qiymətləri, o cümlədən illik qiymət(lər)i qeyri-kafi olan fənlər göstərilməklə və bu fənlər üzrə xüsusi komissiyanın qiyməti, tam orta təhsil səviyyəsini əvvəlki dərs illərində başa vuran, lakin buraxılış imtahanında iştirak etməyənlər üçün isə buraxılışdan əvvəlki və buraxılış siniflərinin illik qiymətləri buraya daxil ediləcək.

Həmçinin tam orta təhsil səviyyəsini əvvəlki dərs illərində başa vuran, buraxılış imtahanında hər hansı fəndən qeyri-kafi qiymət alanlar üçün buraxılışdan əvvəlki və buraxılış siniflərinin illik qiymətləri, buraxılış imtahanının qiymətləri, o cümlədən qeyri-kafi qiymət aldığı fən(lər) göstərilməklə və bu fən(lər) üzrə xüsusi komissiyanın qiymət(lər)i - ana dili və (və ya) riyaziyyat fənləri olduğu halda – builki buraxılış imtahanına buraxılmaq üçün xüsusi komissiyanın rəyi, digər fənlər olduğu halda - yekun qiyməti əvəzinə daxil edilməlidir. Eksternat qaydasında bu il attestasiyada iştirak edənlər üçün isə daxil ediləcək məlumatlar xüsusi komissiyanın qiymətləridir.
 
HƏQİQƏT




Baxış sayı: 5672

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024