XƏBƏRLƏR

Tarix:27/06/12

“Yaşayan tarix” sənədli filminin disk variantı təqdim edilib

Azərbaycan Tələbə Təşkilatları İttifaqı (ATGTİ) Bakı Biznes Mərkəzində (BBM) 1941-1945-ci illər Böyük Vətən müharibəsində azərbaycanlıların göstərdikləri şücaəti əks etdirən “Yaşayan tarix” sənədli filminin disk variantını təqdim edib. “ICTnews” elektron xəbər xidmətinə bu barədə Gənclər və İdman Nazirliyinin mətbuat xidmətindən məlumat verilib.

Nazirlikdən bildirilib ki, Azərbaycanın dövlət himninin səslənməsi ilə başlanan təqdimat mərasimində “Yaşayan tarix” layihəsinin rəhbəri Lamiyə Hüseynova layihə haqda mərasim iştirakçılarına geniş məlumat verərək, təqdim edilən 4 diskdə 260 veteranın xatirələrinin toplandığını diqqətə çatdırıb. Öz çıxışında Azərbaycan Veteranlar Şurasının sədri Əlövsət Baxışov gənclərin vətənin tarixinə olan diqqətini yüksək qiymətləndirdiyini bildirib.

Təqdimat mərasimində iştirak edən gənclər və idman nazirinin müavini İntiqam Babayev öz çıxışında İttifaqın uğurlu fəaliyyəti haqda danışaraq, bu layihənin vacibliyini vurğulayıb. ATGTİ-nin sədri Şahin İsmayılov isə çıxışında bu filmin ərsəyə gəlməsində əməyi keçmiş 10-dan çox ali təhsil müəssisəsinin 30-a yaxın tələbəsinə öz təşəkkürünü bildirib.

Təqdimat mərasimində ATGTİ-nin üzvləri müharibə dövrünün mahnılarını ifa ediblər. Nazirlikdən vurğulanıb ki, “Yaşayan tarix” filminin disk variantının təqdimatında ölkəmizdəki Rusiya və Serbiya səfirliklərinin nümayəndələri də iştirak ediblər.

HƏQİQƏT

Baxış sayı: 881