12px13px15px17px
Tarix:11/07/12

Ledi Qaqa şəxsi sosial şəbəkəsini açıb

Pop-müğənni Ledi Qaqaya məxsus olan “Little Monsters” sosial şəbəkəsində qeydiyyat açıq olub. Bundan əvvəl sayt qapalı beta-versiya rejimində işləyirdi və ona daxil olmaq yalnız dəvət yolu ilə mümkün idi.
“ICTnews.az” elektron xəbər xidməti vesti.ru” saytına istinadən bildirir ki, sosial şəbəkə “Pinterest”, “MySpace” və “Facebook”un qarışığıdır.

O, "kiçik monstrlar" üçün (ifaçı öz pərəstişkar ordusunu belə adlandırır) ünsiyyət məkanı kimi düşünülüb. Sosial şəbəkəyə qoşulmuş şəxslər foto dərc edə, postları bəyənə, müzakirələrdə iştirak edə və Ledi Qaqanın konsertlərinə bilet ala bilərlər.

“Backplane” şirkəti layihəyə köməklik edir və onun yaradıcıları arasında müğənninin meneceri Troy Karterin adı da çəkilir. “Backplane” şirkətinin məqsədi digər məşhurlar üçün də belə saytlar yaratmaqdır.

Ledi Qaqa sosial şəbəkələrdə ən populyar şəxslərdən biridir. 2010-cu ilin avqustunda izləyicilərinin sayına görə mütləq lider olan müğənni özünü "Twitter”in kraliçası elan etmişdi. Həmin ilin oktyabrında isə o, “YouTube” videohostinqində videoçarxlarına milyard dəfə baxılmış ilk şəxs olmuşdu. İfaçı “Facebook”da 50 milyondan çox pərəstişkar ordusuna malikdir.
 
EMİL




Baxış sayı: 428

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020