12px13px15px17px
Tarix:12/07/12

Britaniya şirkəti korpusu bambukdan hazırlanmış smartfon istehsal edəcək

Britaniyanın “AD Creative” startapı korpusu tamamilə bambukdan hazırlanmış smartfon istehsal edəcək. Qurğuya “Google Android 4.0” (Ice Cream Sandwich) əməliyyat sistemi quraşdırılıb.

“ICTnews.az” elektron xəbər xidməti “vesti.ru” saytına istinadən  bildirir ki, “ADzero” smartfonu ilk əvvəl Böyük Britaniyada 2012-ci ilin sonunda və ya 2013-cü ilin əvvəlində satışa çıxarılacaq. Qurğunun qiyməti haqqında hələ ki məlumat yoxdur.

Məlumat üçün bildirək ki, “ADzero” smartfonu 2012-ci ilin fevralında elan edilmişdi. Belə cihazın yaradılması ideyası 23 yaşlı Britaniyanın Midlseks Universitetinin tələbəsi Kirona-Skott Vudhausa aiddir.

Aparatın bütöv korpusu dördillik ekoloji təmiz bambukdan hazırlanıb. “ADzero” smartfonunun texniki içliyi haqqında hələ ki heç nə məlum deyil, lakin smartfon yaradıcılarının sözlərinə görə, o, müasir modellərdən heç də geri qalmayacaq.
 
EMİL




Baxış sayı: 1357

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024