TƏHLÜKƏSİZLİK

Tarix:12/07/12

“Yahoo!”-nun 100 minlərlə istifadəçisinin şifrələri ələ keçirilib

Hakerlər “Yahoo!”-nun 453 min hesabının loqin və şifrəsini açıq girişdə yerləşdiriblər. Hesablar “D33D Company” saytında adi mətn faylı şəklində yerləşdirilib.

“ICTnews.az” elektron xəbər xidməti “vesti.ru” saytına istinadən bildirir ki, “TrustedSec”-in ekspertləri hesab edir ki, “oğurlanmış” şifrələr “Yahoo Voice” xidmətinə məxsusdur. “Yahoo!” şifrələrin “oğurlanması” faktını təsdiq etmir.

Hakerlər altdomenin təhlükəsizliyi üçün cavabdehlik daşıyan şəxslərin şifrələrinin dərc edilməsini təhdid kimi deyil, həyəcan zəngi kimi qəbul edəcəkləri ilə bağlı öz ümidlərini ifadə ediblər. "Biz Yahoo!-nun veb-serverlərinin təhlükəsizlik sistemində xeyli boşluqlar tapdıq.

Zəhmət olmasa, onlara diqqətlə yanaşın. Sonrakı hücumlardan yayınmaq üçün biz altdomeni və boşluğa malik sistemin digər parametrlərini açıq girişdə yerləşdirməmişik" – hakerlərin bəyanatında belə yazılıb.Loqin və şifrələr “SQL” inyeksiya üsulu ilə ələ keçirilib.

EMİL

Baxış sayı: 1366