12px13px15px17px
Tarix:16/07/12

“Nexus 7” planşetlərinin birinci partiyası 2 gün ərzində satılıb

Amerikanın pərakəndə mağazaları “Nexus 7” planşet kompyuterlərinin birinci partiyasını demək olar ki tamamilə satıb.

“ICTnews.az” elektron xəbər xidməti “lenta.ru” saytına istinadən  bildirir ki, qurğu ABŞ-da ötən həftənin cümə günü, iyulun 13-də satışa çıxarılıb, lakin mağazalar ilkin sifarişləri bir neçə gün əvvəldən qəbul etməyə başlamışdılar.

Qurğunun yeni partiyası mağazalara avqustun əvvəlində gətiriləcək. Amerikalılar əvvəlki kimi “Nexus 7” planşetini “Google”  saytı vasitəsilə sifariş edə bilərlər.

Məlumat üçün bildirək ki, “Google” şirkəti “Nexus 7” planşetini iyunun sonunda təqdim edib. O, dördnüvəli prosessora və 7 düymlü diaqonala malik displey ilə təchiz olunub. Aparata “Android 4.1” platforması quraşdırılıb və bu əməliyyat sistemi ilə işləyən birinci qurğudur.

Alıcıların planşetə marağı əsasən onun qiymətilə bağlıdır; 8 QB  yaddaş ilə təchiz olunmuş planşetin qiyməti 199 dollar, 16 QB yaddaş ilə olan modelin qiyməti isə 249 dollar təşkil edir.
 
EMİL




Baxış sayı: 837

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024