12px13px15px17px
Tarix:28/07/12

Neft-kimya sənayesində elektron-kompyuter sistemini bilən gənc mütəxəssislərə xüsusi önəm verilir

Azərbaycan Respublikası Dövlət Neft Şirkətinin (ARDNŞ) «Azərikimya» İstehsalat Birliyində mütərəqqi texnologiyaların tətbiq olunduğu avadanlıqların xüsusiyyətlərini, elektron-kompyuter sistemi üzrə idarə olunan mürəkkəb prosesləri mükəmməl bilən istedadlı, perspektivli gənc mütəxəssislərə daha geniş yer verilməsi günün tələbinə çevrilib.

“ICTnews” elektron xəbər xidmətinin məlumatına görə, bu barədə «Azərikimya»nın məlumatında deyilir.
Məlumatda bildirilir ki,  İstehsalat Birliyində son dövrlərdə istedadlı, təşəbbüskar, işə xüsusi məsuliyyət və yaradıcılıqla yanaşan gənclərin müxtəlif vəzifələrdə irəli çəkilməsi, onlara potensial imkanlarını realizə edə biləcəkləri işlərin təklif olunması hər bir gənc mütəxəssisə, eyni zamanda ölkənin neft-kimya sənayesinin gələcək inkişafına göstərilən diqqət və qayğı nümunəsidir. Son iki ildə gənc mütəxəssislərin test üsulu üzrə işə qəbulu, bir çoxlarının təcrübə mübadiləsi üçün Türkiyənin nüfuzlu neft-kimya şirkəti olan «Petkim»ə ezam olunması məhz belə diqqətdən irəli gəlir.

Son bir il ərzində «Petkim» şirkətində təcrübə mübadiləsində olmuş 40-a yaxın gənc mütəxəssisin texnoloji proseslərin daha optimal rejim və yeni metodlar üzrə aparılması sahəsində əldə etdikləri yeni təcrübə, çalışdıqları sahələrdə işin daha səmərəli təşkili ilə bağlı verdikləri texniki təkliflər yeni potensial imkanların üzə çıxarılmasına xidmət edir.

Bütün bunlar nəzərə alınaraq, son dövrdə öz işgüzarlığı, işə yaradıcı münasibəti və təşkilatçılığı ilə seçilən aparatçı, maşinist, texnoloq və s. vəzifələrdə bacarıqla çalışan 15 nəfərə yaxın gənc mütəxəssis növbə, sex və istehsalat rəisi vəzifələrinə irəli çəkiliblər ki, onların da sıralarında 25-30 yaşlı gənclər üstünlük təşkil edir.

CAHANGİR




Baxış sayı: 802

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020