12px13px15px17px
Tarix:14/08/12

“BlackBerry” istehsalçısı aktivlərini satır

"BlackBerry" smartfonlarını istehsal edən Kanadanın "RIM" şirkəti "NewBay" adlı "bulud" xidmətini və bəzi digər ikinci dərəcəli aktivlərini sata bilər. Bu addım korporasiyanın səhmlərinin qiymətinin aşağı düşməsi ilə bağlıdır.

"ICTnews.az" elektron xəbər xidməti "vesti.ru" saytına istinadən bildirir ki, "RIM" şirkəti "NewBay" adlı "bulud" xidmətini 2011-ci ilin oktyabrında 100 milyon dollara satın almışdı. Bu xidmət sayəsində abunəçilər sosial şəbəkələrdə müxtəlif kontent, əsasən də foto və videoçarxlar yarada, satın ala, baxa və paylaşa bilər. "NewBay" xidməti smartfon, kompyuter və planşetlər üçün əlçatandır.

"RIM"-in "bulud" xidmətinin təxminən 80 milyon abunəçisi var. "NewBay" xidmətinin satın alınması şirkətin əvvəlki rəhbərliyinin yeni qazanc mənbəyi tapmaq üçün nəzərdə tutulmuş planının mühüm bir hissəsi idi. Lakin "NewBay" şirkətə sabit gəlir qazandırmadı.

Hazırda "BlackBerry" təsisçiləri böyük maliyyə problemləri ilə qarşılaşıblar. Belə ki, son il ərzində "RIM"-in səhmləri 60 faizdən çox aşağı düşüb. "Blackberry" smartfonları "Android" və "ios" platforması ilə işləyən smartfonları ilə rəqabətdə uduzur.

Bununla belə qeyd edək ki, şirkətin indiyədək müəyyən sadiq istifadəçi dairəsi var. Onlardan biri də ABŞ prezidenti Barak Obamadır.

EMİL



Baxış sayı: 684

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024