12px13px15px17px
Tarix:03/09/12

“Azercell” ikinci dəfə nüfuzlu beynəlxalq mükafatın qalibi oldu

“Azercell Telekom” MMC şirkətinin aldığı beynəlxalq mükafatların sayı artır. Azərbaycanın ən qabaqcıl telekommunikasiya şirkəti artıq ikinci dəfədir ki, nüfuzlu Beynəlxalq Biznes Mükafatı (İnternational Business Awards - Stevie) mükafatına layiq görülür. Bu dəfə “Azercell” Azərbaycanda reallaşdırılan maraqlı və önəmli sosial məsuliyyət layihəsi olan “Karbon kalkulyatoru”na görə Bürünc mükafat qazanıb.

Bu barədə şirkətdən verilən məlumatda bildirilir. Məlumatda qeyd edilir ki, “İnternational Business Awards 2012” müsabiqəsinə ümumilikdə 50 ölkədən müxtəlif şirkət və fərdi şəxslərdən 3200 müraciət daxil olub.

Bu cür gərgin rəqabət şəraitində iki ay ərzində aparılan müzakirələr əsnasında ilkin qaliblər  seçilib. Yekun seçim mərhələsində “Azercell” iki nominasiya üzrə “Stevie” mükafatının laureatı elan olunub. Şirkətin 2012-ci il “Yeni nəslin Karbon kalkulyatoru” nominasiyası “İlin ictimaiyyətlə əlaqələr departamenti” və “İlin  kreativ heyəti” kateqoriyaları üzrə “Stevie” mükafatı qazanıb.

“Azercell”in “Karbon kalkulyatoru”  layihəsi qlobal iqlim dəyişikliyinin qarşısını almağa yönələn təşəbbüslərdən biridir. Kalkulyator gündəlik həyatda atmosferə ifraz olunan karbon qazının miqdarını hesablayıb, ətraf mühitə hansı dərəcədə təsir göstərdiyinizi aydın şəkildə görməyə və izləməyə imkan verir. “Azercell”in saytında yer alan bu layihənin köməyilə hər bir şəxs qlobal iqlim dəyişikliyinə öz təsirini azaltmaq, ətraf mühitə qarşı zərərsiz tərzdə davranmaq üçün müxtəlif tövsiyələr tapa bilər.

“Stivie” yalnız dünya miqyasında əhəmiyyətli iş görən şirkətlərə təqdim olunur. Müsabiqənin məqsədi müxtəlif ölkələrdə uğur qazanmış şirkətlərin tanıdılması, onların fəaliyyətinin qiymətləndirilməsidir. 2002-ci ildən etibarən 60-dan çox ölkənin şirkətləri və fərdi şəxsləri “İnternational Business Awards” müsabiqəsində qalib olub. Bu il müsabiqənin 10 illiyi münasibətilə Gümüş və Bürünc “Stevie” mükafatları da təqdim olunub. Sevindirici haldır ki, məhz “Azercell” şirkəti ilk dəfə olaraq Bürünc “Stevie” qazananlar sırasındadır.

RƏVAN




Baxış sayı: 1191

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024