12px13px15px17px
Tarix:19/07/11

Hakerlər senzurasız sosial şəbəkə hazırlayır

İnternetin bir çox seqmentlərində çoxsaylı hücumlar üçün məsuliyyət daşıyan “Anonymous” haker qrupu şəxsi sosial şəbəkə yaradılması planlarını elan edib. Bu ideya qrupun bəzi üzvləri yeni “Google+” xidmətində bloklandıqdan sonra yaranıb.
“Google” yeni sosial xidmətindən haker komandasının xəbərlərinin verildiyi “youranonnews” rəsmi səhifəsini silib. Şəbəkə administrasiyası bunu səhifədə arzu edilməyən məzmunun olması ilə izah edib. "O an biz bilmirdik ki, bu, yalnız “Anonymous” qrupunun bloklanmış hesablarından biri idi. "Bu kədərlidir, amma internetdə "başqa tütək altında rəqs edəndə" belə olur” - qrupun rəsmi bəyanatında bildirilib. “Biz fəallardan kimlərin hesablarının “Facebook”, “Twitter”, “YouTube”-da bloklandığı tarixini bilirik". Bununla əlaqədar olaraq haker qrupu şəxsi sosial şəbəkə yaratmağa hazırlaşır. "Bu sosial şəbəkə senzuraya və ya təzyiqə məruz qalmayan sosial şəbəkə olacaq. İnternet artıq həbsxana olmayacaq".
Hal-hazırda senzuradan tamamilə azad alternativ sosial şəbəkə hazırlanma mərhələsindədir. Xidmət “anonplus.com” ünvanında olacaq, adın “Google+” xidməti ilə analogiya üzrə seçildiyini güman etmək olar. Hal-hazırda bu ünvanda şəbəkənin loqotipi və gələcək layihənin təsviri olan səhifə yerləşdirilib. “Anonymous” qrupu iddia edir ki, bu funksiyaların çeşidi üzrə dəyərli sosial xidmət olacaq və yaxın vaxtlarda onun birinci versiyası işə salınacaq. Ən vacib isə odur ki, o, ancaq haker və qrup üzvləri üçün deyil, bütün arzu edənlər üçün nəzərdə tutulub.


infox.ru



Baxış sayı: 1218

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024