12px13px15px17px
Tarix:11/09/12

Pul köçürmələri daha da sürətləndi

Ölkədaxili  və beynəlxalq pul köçürmələrinin qəbulu, işlənməsi və ödənişini daha da yaxşılaşdırmaq istiqamətində işlər aparılır. Bu barədə “ICTnews”-a Rabitə və İnformasiya Texnologiyaları Nazirliyinin poçt sektorunun müdiri Novruz Məmmədov məlumat verib. Onun sözlərinə görə, bu istiqamətdə daha dəyərli nəticələr əldə etmək üçün “COLVİR” şirkətinin nümayəndəsi dəvət edilməklə sistemdə zəruri dəyişikliklər aparılıb.

Texniki layihə tərtib edilməklə  sürətli pulköçürmə sistemi olan “STEFİ”-nin Məlumat Hesablama Mərkəzində  fəaliyyət göstərən 1-ci  (köhnə) versiyası ləğv edilərək, “Azərpoçt” MMC-də  “COLVİR” üzərindən son versiyası işə salınıb.

Sektor müdiri bildirdi ki, Ümumdünya Poçt İttifaqının və Moskvadakı Regional Texniki Mərkəzin yaxından iştirakı ilə “STEFİ”-yə qoşulmuş Rusiya, Ukrayna, Belarus, Qazaxıstan, Moldova ilə elektron pul baratlarının mübadiləsi artıq “COLVİR” üzərindən həyata keçirilir.

 Aparılan dəyişikliklər nəticəsində həmçinin Naxçıvan MR-in rayon mərkəzləri də “COLVİR”-ə qoşularaq pul köçürmələrinin MHM üzərindən aparılması dayandırılıb. Əlavə olaraq qeyd edək ki, ÜPİ-nin “STEFİ” sistemi vasitəsilə MDB ölkələri üzrə pilot olaraq daha sürətli olan təcili elektron pul köçürmələri Ukrayna ilə real rejimdə  həyata keçirilməyə başlanılıb. Bu günədək təcili pul köçürməsi aparılaraq hər iki tərəfdən nəticələr qənaətbəxş olub. Gələcəkdə digər ölkələrlə də Rusiya, Belarus, Qazaxıstan və sair təcili pul baratlarının təşkil edilməsi təmin ediləcəkdir.

RƏVAN




Baxış sayı: 1504

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024