12px13px15px17px
Tarix:14/09/12

AzTU-da Rusiya universitetinin mühəndislik üzrə ixtisas tədris resurslarına onlayn çıxış təşkil edilib

Azərbaycan Texniki Universitetində “Mühəndislik proqramları mərkəzi” yaradılıb. Mərkəzdə Azərbaycanın sənaye müəssisələrinin, ali məktəblərinin, orta-ixtisas və kolleclərinin, habelə biznes strukturlarının  mühəndis və texniki işçiləri müxtəlif 56 ixtisas proqramı üzrə yenidən hazırlanacaq.

İxtisasartırma proqramları N.E.Bauman adına Moskva Dövlət Texniki Universitetinin təqdim etdiyi tədris materialları əsasında bu, Rusiya ali məktəbinin müəllim heyəti vasitəsilə həyata keçiriləcək.  Təhsildə informasiya texnologiyalarının tətbiqi üzrə təcrübəyə malik olan “SİNAM” şirkətinin mütəxəssisləri tərəfindən “Mühəndislik proqramları mərkəzi”ndə tədris üçün zəruri avadanlıqlar quraşdırılıb. “ICTnews” elektron xəbər xidmətinin məlumatına görə, bu barədə şirkətin məlumatında deyilir.

Mərkəzdə “eInstruction” elektron lövhə, proyektor və videokonfranslar üçün avadanlıq istifadəyə verilib. Genişzolaqlı internet vasitəsilə mərkəzdən  N.E.Bauman adına Moskva Dövlət Texniki Universitetinin mühəndislik ixtisasları üzrə tədris materiallarına çıxış da təşkil olunub.

Qeyd etmək lazımdır ki, “Mühəndislik proqramları mərkəzi”ndə treninqləri bitirmiş tələbələrə hər iki universitetin vahid sertifikatı veriləcək.

Azərbaycan Texniki Universitetində “Mühəndislik proqramları mərkəzi” MDB dövlətlərinin dövlətlərarası Humanitar Əməkdaşlıq Fondunun (DHƏF – МФГС) layihəsi çərçivəsində yaradılıb.


CAHANGİR




Baxış sayı: 1636

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024