12px13px15px17px
Tarix:10/10/12

10 dollarlıq rider

Almaniyanın "Txtr" şirkəti Frankfurtda keçirilən kitab yarmarkasında 9.9 avro dəyərində olan "Beagle" riderini təqdim edib.

"ICTnews.az" elektron xəbər xidməti "lenta.ru" saytına istinadən bildirir ki, rider 800x600 piksel təsvir ölçüsündə 5 düymlü ekranla təchiz edilmişdir. Ekran boz rəngin 8 çalarını əks etdirməyə "qadirdir". "Beagle" riderinin qalınlığı 5 millimetrdir, çəkisi 128 qramdır və 4 QB daxili yaddaşa malikdir.

"Beagle" rideri mobil şəbəkə və ya "Wi-Fi" şəbəkələrinə qoşulmaq imkanından məhrumdur, lakin qurğuda "Bluetooth" modulu nəzərdə tutulub. İstifadəçi bu modul vasitəsilə kompüter, smartfon və ya planşetdəki kitabı riderə göndərə bilər.

Almaniya istehsalı olan riderin daha bir xüsusiyyəti "qida" elementləridir: "Beagle" rideri "AAA" ölçü tipli iki batareya ilə işləyir. İstehsalçı iddia edir ki, istifadəçi batareyaları ildə bir dəfə dəyişdirməli olacaq.

Almaniyanın "Txtr" şirkəti qurğunun qiymətini (9.9 avro) açıqlayıb, lakin riderin satışa çıxarılma tarixini bildirməyib. Sözsüz ki, qurğunu Avropada satın almaq mümkün olacaq. Şirkət qurğunu, həmçinin Asiya və ABŞ-a tədarük etmək imkanını nəzərdən keçirir.

EMİL




Baxış sayı: 887

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024