12px13px15px17px
Tarix:07/11/12

2013-cü ildən etibarən EMEA regionunda İT xərclərinin həcmi yenidən artmağa başlayacaq

“Gartner” tədqiqat şirkətində çalışan ekspertlərin hesablamalarına görə, 2012-ci ildə EMEA regionunda (Avropa, Yaxın Şərq və Afrika ölkələri daxildir) informasiya texnologiyalarına sərf olunmuş xərcin həcmi 3.6 faiz azalaraq 1,13 trilyon ABŞ dolları təşkil edəcək. Qərbi Avropada isə İT xərclərinin həcmi 5,9 faiz azalacaq.

Lakin “Gartner” tədqiqat şirkəti vəziyyətin tezliklə müsbətə doğru dəyişəcəyini hesab edir.“ICTnews.az” elektron xəbər xidməti “dailycomm.ru” saytına istinadən bildirir ki, proqnozlara görə, EMEA regionunda İT xərclərinin həcmi artıq 2013-cü ildə 1,4 faiz artacaq və 1,15 trilyon Amerika dollarına bərabər olacaq. Belə müsbət tendensiyanın 2016-cı ilə qədər saxlanılacağı gözlənilir.

Xərclərin artması əsasən qurğu və proqram təminatı satışlarının artması hesabına baş verəcək. Ekspertlərin hesablamalarına əsasən, 2016-cı ildə EMEA regionunda yığcam qurğuların satın alınmasına ümumilikdə 188 milyard ABŞ dolları xərclənəcək.

Mobil qurğular getdikcə daha çox populyarlıq əldə edirlər və “Gartner” hesab edir ki, 2016-cı ilə qədər işləyənlərin 66 faizi smartfon və ya planşetlərə malik olacaq. Beləliklə, proqram təminatı seqmentində mühüm dəyişikliklər baş verəcək. Proqram təminatı tərtibatçıları mobil tətbiq hazırlamağa daha çox üstünlük verəcəklər və nəticədə onların satın alınmasına sərf olunan xərclər artacaq.

EMİL




Baxış sayı: 1069

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024