12px13px15px17px
Tarix:13/11/12

Yeni “BlackBerry” smartfonu daha fərqli olacaq

Yeni "BlackBerry” smartfonu 2013-cü il yanvarın 30-da təqdim ediləcək. Bu barədə Kanadanın "Research in Motion” (RIM) şirkəti bildirib.

“ICTnews.az” elektron xəbər xidməti “itar-tass.com” saytına istinadən bildirir ki, şirkətdən verilən məlumata əsasən, smartfonun iki modeli (sensor ekran və “QWERTY” düzülüşlü  klaviatura) təqdim ediləcək. Yeni nəsil qurğular təkmilləşdirilmiş "BlackBerry 10” əməliyyat sistemi (ƏS) ilə işləyəcək.

Biz "BlackBerry 10” ƏS-i üzərində işləyərkən qarşımıza həqiqətən unikal mobil kompüter qurğusu yaratmaq məqsədi qoyduq” – “RIM”-in icraçı direktoru Torsten Hayns qeyd edib. Komandamız müştərilərimizə yenilikçi xüsusiyyətləri təqdim etmək üçün yorulmadan çalışıb. Bütün bunlar "BlackBerry Flow” istifadəçi interfeysində əksini tapacaq".

Mütəxəssislər qeyd edirlər ki, “RIM” şirkəti yeniliyi təqdim etməklə telekommunikasiya qurğuları bazarındakı mövqeyini geri qaytarmağa ümid edir. Nə vaxtsa aparıcı ticarət markalarından olmuş firma son illərdə “Apple” və “Samsung” kimi nəhənglərin sərt rəqabəti ilə üzləşib.

EMİL




Baxış sayı: 1647

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024