12px13px15px17px
Tarix:19/11/12

Sərt disk seqmentində azalma qeydə alınıb

2012-ci ilin üçüncü rübü sərt disk istehsalçıları üçün uğursuz olub; sərt disk tədarüklərinin həcmi 11 faiz azalıb. “IHS iSuppli” ekspertləri bunu dünya iqtisadiyyatındakı qeyri-stabil vəziyyət, fərdi kompüter (FK) satışlarının azalması və planşetlərin populyarlığının artması ilə izah edirlər.

“ICTnews.az” elektron xəbər xidməti “dailycomm.ru” saytına istinadən bildirir ki, cari ilin iyul-sentyabr ayları ərzində 139,2 milyon sərt disk tədarük edilib. Müqayisə üçün qeyd edək ki, 2012-ci ilin ikinci rübündə bu göstərici 157 milyona bərabər olub.

Sərt disk seqmentdəki qüvvələr nisbətinə gəlincə isə “Western Digital” ən iri sərt disk istehsalçısı olaraq qalır. “Seagate Technology” şirkəti 57,6 milyon göstərici ilə ikinci pillədə qərarlaşıb.

“IHS iSuppli” analitik şirkətinin proqnozuna əsasən, 2012-ci ilin dördüncü rübündə sərt disk tədarüklərinin həcmi yenidən azala bilər. Lakin əgər FK bazarında vəziyyət yaxşılaşsa, o zaman sərt disk bazarında da canlanma ola bilər.

EMİL




Baxış sayı: 1342

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024