12px13px15px17px
Tarix:01/12/12

Şəkidə təməli qoyulan məhkəmə kompleksi ən müasir rabitə və informasiya texnologiyaları ilə təchiz olunacaq

Şəki şəhərində Azərbaycan Respublikası Prezidenti İlham Əliyevin tapşırığına əsasən yeni məhkəmə kompleksinin təməlqoyma mərasimi keçirilib.

“ICTnews” elektron xəbər xidmətinin məlumatına görə, bu barədə Ədliyyə Nazirliyinin məlumatında deyilir.
İnşa olunan Şəki Məhkəmə Kompleksi 4 məhkəmədən: regional apelyasiya, ağır cinayətlər, inzibati-iqtisadi və rayon məhkəmələrindən ibarət olan ilk məhkəmə kompleksidir.

Bölgənin 11 rayonunu əhatə edən məhkəmə kompleksi üç mərtəbədən və zirzəmidən ibarət olmaqla müasir milli memarlıq üslubunda layihələndirilib. Yeni istifadəyə verilmiş məhkəmə binalarında olduğu kimi, bu kompleks də hakimlər və vətəndaşlar arasında qeyri-prosessual münasibətlərin qarşısının alınması üçün ictimai və inzibati zonaya bölünəcək.

Bina həmçinin, ən müasir rabitə və informasiya texnologiyaları ilə təchiz olunmaqla vətəndaşlara lazım olan informasiyanı asanlıqla əldə etməyə, habelə məhkəmə iclaslarında audio-video yazılışlarını və videokonfransları aparmağa imkan yaradacaq.
 
CAHANGİR





Baxış sayı: 1321

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024