12px13px15px17px
Tarix:06/12/12

“IDC” planşet bazarı üzrə proqnozuna düzəliş edib

"IDC" analitik şirkəti planşet kompüterlər bazarı üzrə yaxın illər üçün verdiyi proqnozuna düzəliş edib. Hesablamalara görə, 2012-ci ildə müxtəlif proqram-aparat platformalarında işləyən 122,3 milyon planşet satılacaq. Bundan əvvəl bu göstəricinin 117,1 milyon civarında olacağı bildirilmişdi.

2013-cü il üçün verilmiş proqnoz 165,9-dan 172,4 milyona qədər, 2016-cı ildə isə 261,4-dən 282,7 milyona qədər artırılıb. "Android" platforması ilə işləyən planşetlərin bazar payı ötən illə (39,8 faiz) müqayisədə 42,7 faiz artacaq. 2016-cı ilədək bu göstərici 39,7 faizədək azalacaq.

"IDC" şirkətinin proqnozuna görə, "iPad" planşet kompüteri cari ildə bu seqmentin 53.8 faizinə nəzarət edəcək. Müqayisə üçün qeyd edək ki, bu göstərici 2011-ci ildə 56.3 faizə bərabər idi. 2016-cı ildə onun bazar payı 49,7 faiz təşkil edəcək. 2016-cı ilədək "Windows" əməliyyat sistemləri ilə işləyən planşetlərin bazar payı 10,3 faiz təşkil edəcək.

EMİL



Baxış sayı: 755

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024