12px13px15px17px
Tarix:11/12/12

London taksiləri pulsuz internetlə təmin ediləcək

Məşhur London taksi-kebləri yaxın gələcəkdə pulsuz internetlə təmin ediləcək. Keblərin sərnişinləri pulsuz “CabWiFi” xidmətindən yararlana biləcək. Bu xidmət yalnız ötən gün Londonun Nəqliyyat İdarəsi tərəfindən təsdiqlənib. İstifadəçilər internetə pulsuz çıxış imkanının qarşılığında hər 15 dəqiqə ərzində 15 saniyəlik reklam çarxına baxmalı olacaq.

“ICTnews.az” elektron xəbər xidməti “cybersecurity.ru” saytına istinadən bildirir ki, taksiləri simsiz internet avadanlıqla təchiz edən “Eyetease Ltd” şirkətinin məlumatına əsasən, onların sistemləri həm “3G”, həm də “4G” kanalları üzrə işləyir. "Avadanlıqlar məhz London taksiləri üçün yaradılıb: avtomobil qurğusunun xüsusiyyətləri və bizim qapalı həllərimiz uyğundur" – “Eyetease” şirkətinin baş direktoru Skott Korbett bildirib.

Onun sözlərinə görə, taksilərdə tətbiq edilən avadanlıq, həmçinin maşınların bir-biri ilə “ünsiyyət” yaratmasına və texniki məlumatları ötürməyə imkan verir. "Bizim məqsədimiz, həmçinin ümumşəhər taksi şəbəkəsi yaratmaqdır" - o qeyd edib. Hazırda Londonda təxminən 24 000 keb mövcuddur və əgər onların, heç olmasa, 2500-ü yeni sistemlə təchiz edilsə, bu, artıq layihənin uğuru deməkdir. Hazırda avadanlıq 500 avtomobilə quraşdırılacaq.

EMİL



Baxış sayı: 875

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024