12px13px15px17px
Tarix:11/12/12

1 ay ərzində “Hesab.az” portalının istifadəçiləri arasında 11 qalib müəyyən olunub

"Bank Respublika" və "Hesab.az" internet ödəmə portalının keçirdiyi birgə aksiyanın şərtlərinə əsasən, "Hesab.az" saytında ödəniş edərkən "Bank Respublika"nın bütün plastik kart sahibləri hər 1 AZN-lik əməliyyat müqabilində 500 bonus əldə edirlər.

İstifadəçi bonuslar vasitəsilə "Hesab.az" saytında təqdim olunan hədiyyələr çeşidindən seçə bilər. İlk dəfə olaraq "Hesab.az" saytının istifadəçilərinə toplanan bonusların müqabilində hesabında 50 AZN vəsaiti olan "Bank Respublika"nın plastik kartları da hədiyyə kimi təklif olunur.

"ICTnews" elektron xəbər xidmətinin "Bank Respublika"ya istinadən verdiyi məlumata görə, aksiya ərzində (noyabrın əvvəlindən) 11 qalib – hədiyyə kartlarının şanslı sahibləri müəyyən olunub. Bu kartlar da "PayKart" bonus sisteminə avtomatik qoşulubdur.

Hazırda "Bank Respublika"nın plastik kartları üzrə 100 min manata yaxın məbləğdə 9 mindən artıq əməliyyat aparılıb. Müvafiq olaraq "Bank Respublika"nın kartları vasitəsilə aparılan əməliyyatlar 8% təşkil edir, kartlar üzrə onlayn əməliyyatların həcmi portal dövriyyəsinin 10% -nə yaxındır.

Xatırladaq ki, birgə aksiya dekabrın sonunadək davam edəcək. Aksiya iştirakçıları bu müddət ərzində nağdsız hesablaşmalar üçün istənilən "Bank Respublika" plastik kartından istifadə edə bilərlər.

CAHANGİR



Baxış sayı: 1080

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024