12px13px15px17px
Tarix:20/12/12

Çin pilotsuz təyyarələrin yaradılması üçün xərclərini sürətlə artırır

Analitiklər bildiriblər ki, Çin hərbi xərclərini sürətlə artıraraq pilotsuz uçuş aparatlarının yaradılması texnologiyasında və istifadəsində böyük uğurlar əldə edir. “ICTnews.az” elektron xəbər xidməti “cybersecurity.ru” saytına istinadən bildirir ki, Çinin cənubunda yerləşən Çjuxay sahilboyu şəhərində keçirilmiş son aviasiya şousu zamanı pilotsuz təyyarələrin yeni nəsli təqdim edilmişdi.

Ekspertlərin müşahidəsinə əsasən, təqdim edilmiş aparatlar əvvəlkilərlə müqayisədə daha böyük və yüksək texnologiyalı olub. Onların bir çoxu Amerika aparatlarının oxşarı təsirini bağışlayıb. Rəsmi Vaşinqtonun Çinin pilotsuz təyyarələri ilə əlaqədar narahatçılıq keçirməsini təsdiqləyən bəzi faktlar mövcuddur.

2012-ci ilin iyulunda ABŞ Müdafiə Nazirliyi üçün tövsiyələr hazırlayan xüsusi komitənin dərc etdiyi hesabatda qeyd edilib ki, Pekinin hərbi xərclərin və tədqiqat işlərinin həcmini artırması ABŞ-ın pilotsuz təyyarələrlə bağlı üstünlüyünü təhlükə altına qoya bilər. Çinin bu texnologiyalara böyük diqqət ayırması "həyəcan doğurucu" adlandırılıb.

Emil Hüseynov



Baxış sayı: 744

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024