12px13px15px17px
Tarix:27/12/12

Sərnişin və sürücülər paytaxt yollarındakı vəziyyət barədə məlumatı mobil telefon vasitəsilə əldə edəcəklər

Nəqliyyatı İntellektual İdarəetmə Mərkəzi sərnişinlərin və sürücülərin yollardakı hərəkətini rahatlaşdırmaq üçün mobil telefonlar üçün proqram təminatı istifadəyə verib.

Belə ki, proqram təminatını mobil telefonuna yükləmiş istifadəçi, real vaxtda Bakının avtomobil yollarının vəziyyəti haqqında, paytaxtdakı avtobuslar, təmir-tikinti işləri aparılan yollar haqqında elanlar və digər məlumatlar əldə edə bilər. "ICTnews" elektron xəbər xidmətinə mərkəzdən verilən məlumata görə, proqram təminatı tamamilə pulsuzdur və artıq istifadəyə verilib.

Hazırda proqram təminatı "iPhone 3GS", "iPhone 4", "iPhone 4S", "iPhone 5", "iPod touch" (3-cü nəsil), "iPod touch" (4-cü nəsil), "iPod touch" (5-ci nəsil) və "iPad iOS 4.3" qurğuları tərəfindən dəstəklənir. Həmçinin "iPhone 5" üçün də uyğunlaşdırılıb.

Proqram təminatını aşağıdakı linkdən yükləmək mümkündür: "https://itunes.apple.com/az/app/baku-its/id587351186?mt=8"    

Xatırladaq ki, Nəqliyyatı İntellektual İdarəetmə Mərkəzi 2011-ci ilin sonundan etibarən fəaliyyət göstərir. Mərkəzin əsas məqsədi ölkə yollarında nəqliyyatın hərəkətinin tənzimlənməsi və problemlərin aradan qaldırılmasıdır.

CAHANGİR



Baxış sayı: 747

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024