12px13px15px17px
Tarix:11/01/13

Mobil prosessorların imkanları artacaq

Bir çox mobil qurğular üçün "Snapdragon" çipsetlərini tədarük edən "Qualcomm" şirkəti iki yeni həll (800 və 600 modelləri) təqdim edib. Onlar güclü "ağıllı" telefon, planşet və "ağıllı" televizorlar üçün nəzərdə tutulacaq. Prosessorlar yanvarın 8-də start götürmüş "Consumer Electronics Show 2013" (CES) sərgisində elan edilib.

"ICTnews.az" elektron xəbər xidməti "vesti.ru" saytına istinadən bildirir ki, hər iki mobil prosessor 3-6 aydan sonra istehsal ediləcək. Şirkət söz verib ki, "Snapdragon 800" prosessorunun məhsuldarlığı "S4 Pro" ilə müqayisədə 75 faiz yuxarı olacaq. Bu modellər 28 nanometr texnologiya norması üzrə hazırlanacaq, "Hexagon V5" rəqəmli audioprosessoru və 2,3 qiqahersə qədər takt tezliyini dəstəkləyən yeni "Krait 500" arxitekturası ilə təchiz ediləcəklər.

"800" modelinin üstünlüklərindən biri də daxili "Adreno 330" qrafik kontrollerinə və "LPDDR3" yaddaşına malik olmasıdır. "Qualcomm" şirkəti məlumat verdiyi kimi, "800" modeli ilin ortalarından istehsal ediləcək. "Snapdragon 600" çipi isə artıq ikinci rübdə işıq üzü görəcək.

"Clover Trail" və "Tegra 4" çiplərinə rəqib olan bu model "Adreno 320" qrafik kontrolleri, "LPDDR3" yaddaşına malik olacaq və 1,9 qiqahers takt tezliyində işləyəcək.

Emil Hüseynov



Baxış sayı: 500

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020