12px13px15px17px
Tarix:15/01/13

İsrail pilotsuz təyyarə yaradacaq

"Israel Aerospace Industries" (IAI) şirkəti kiçik ölçülü pilotsuz uçuş aparatı hazırlayır. "Flightglobal" nəşrinin yazdığına görə, aparatın çəkisi cəmisi bir neçə qramdır və o, 20 dəqiqə müddətində havada qala bilər.

"ICTnews.az" elektron xəbər xidməti "lenta.ru" saytına istinadən bildirir ki, İsrail şirkəti hazırda iki qanadlı nümunə üzərində çalışır: 8 qram çəkisində kiçik və 13 qram çəkisində olan böyük "kəpənək". Aparatlar enerjini 2 qram çəkisində olan yığcam litium-polimer batareyadan toplayır. Hər bir pilotsuz uçuş aparatı cəmisi 0.1 qram çəkisində mikro videokamera ilə təchiz ediləcək.

Pilotsuz təyyarələr dəqiqədə 7000 dövr sürətlə hərəkət edən yığcam elektrik motoru vasitəsilə hərəkətə gətiriləcək. Onlar operatorun əmrlərinə 3 qram çəkisində idarə sistemi vasitəsilə reaksiya verəcəklər. Pilotsuz təyyarələrdən girovların alınması vəziyyətlərində istifadə etmək planlaşdırılır.

Beləliklə, videokamera və mikrofonla təchiz edilmiş pilotsuz uçuş aparatları hadisə zonasındakı vəziyyəti gizli şəkildə araşdıra biləcək.

Emil Hüseynov



Baxış sayı: 618

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020