12px13px15px17px
Tarix:21/01/13

Ən nazik fotoçərçivə təqdim edilib

8 düym diaqonala malik ekranla təchiz edilmiş “teXet TF-803” rəqəmli foto çərçivəsi Rusiya bazarına çıxarılıb.

“ICTnews.az” elektron xəbər xidməti “compulenta.ru” saytına istinadən bildirir ki, istehsalçı cihazını dünyanın ən nazik foto çərçivəsi adlandırıb: o, cilalanmış metaldan hazırlanmış 3 millimetr qalınlığında korpusa salınıb. Qurğunun altlıq hissəsində idarəetmə düymələri və “SD/SDHC” kardrideri yerləşib.

Ekranın təsvir ölçüsü 800×1280 piksel təşkil edir. Çərçivə “JPG” formatında olan fotoları əks etdirə, həmçinin “MP3” musiqiləri səsləndirə bilir. Qurğu, həmçinin saat, təqvim, zəngli saat, fotonun miqyaslanması və döndərilməsi kimi funksiyalara malikdir.

Cihazın çəkisi təxminən 260 qram, ölçüləri isə 202×126×3 millimetr təşkil edir. Qurğunun qiyməti təxminən 76 manata bərabərdir.

Emil Hüseynov



Baxış sayı: 840

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024