12px13px15px17px
Tarix:21/01/13

İT direktorlarının 61 faizi “bulud” texnologiyasından istifadə edir

"Cloud Industry Forum" beynəlxalq konfransında İT direktorları (CIO) arasında keçirilmiş sorğunun nəticəsinə əsasən, onların 61 faizi "bulud" texnologiyasından istifadə edir. Buna baxmayaraq, onları da təhlükəsizlik problemi düşündürür.

"ICTnews.az" elektron xəbər xidməti "cnews.ru" saytına istinadən bildirir ki, "bulud" texnologiyasına artan marağa baxmayaraq, əksər CIO indiyə kimi qabaqcıl texnologiyaya keçmək üçün qəti addım atmaqdan çəkinir. Hər il keçirilən "Cloud Industry Forum" beynəlxalq konfransında CIO arasında keçirilmiş sorğunun nəticəsinə görə, 2011-ci ildə iş prosesində "bulud" texnologiyasından istifadə edən İT direktorlarının sayı 61 faiz təşkil edib.

Lakin respondentlərin cəmisi 12 faizi "bulud" texnologiyasının təhlükəsizliyinə inandığını ifadə edib. İT direktorları olduqca çətin vəziyyətə düşüblər. Belə ki, iş prosesində "bulud" texnologiyalarından imtina edilməsi nəticəsində şirkətlər bir sıra üstünlüklərdən (iş operativliyi, xərclərin azaldılması) məhrum olacaq. Lakin kibercinayətkarın "bulud"a daxil olaraq mühüm məlumatı ələ keçirdiyini nəzərə aldıqda şirkətlər ondan imtina etməyi üstün tutur.

Emil Hüseynov



Baxış sayı: 825

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024