12px13px15px17px
Tarix:28/01/13

2013 sensor noutbukların ili olacaq

Bu il kompüter qurğularının dünya bazarında sensor ekranlara malik noutbuklar diqqət mərkəzində olacaq. Əgər ötən il bu tip modellərin yayılma dərəcəsi 0,9% idisə, 2013-cü ildə 7,3%-ə qədər artacaq. Tayvanın tədqiqat şirkəti olan "TrendForce"-un mütəxəssislərinin proqnozlarına görə, artıq 3 ildən sonra bu göstərici 35% təşkil edəcək.

"ICTnews.az" elektron xəbər xidməti "ict.az" saytına istinadən bildirir ki, 2013-cü ilin ikinci yarısında sensor noutbukların nəzərəçarpacaq dərəcədə ucuzlaşacağı gözlənilir. Bu, sensor ekranların birləşdirici kontrollerlərinin maya dəyərinin azalması nəticəsində baş verəcək. "TrendForce" bildirib ki, sensor noutbukların uğur qazanmasında proqram təminatı həlledici rol oynamalıdır. Ekspertlər qeyd edirlər ki, "Windows 8" əməliyyat sisteminin istifadəçi interfeysi bir sıra qüsurlara malik olduğundan bu platforma üçün proqramların çeşidi hələ ki məhdudlaşdırılmışdır.

Mütəxəssislər sensorla idarə olunan leptopların gələcəyini müsbət qiymətləndirirlər. Lakin onlar xəbərdarlıq edirlər ki, smartfon və planşetlərin artmaqda olan məşhurluğu noutbuklar seqmentinə mənfi təsir göstərməkdə davam edəcək.

"Digitimes Research" şirkətinin analitikləri proqnozlaşdırırlar ki, 2013-cü ilin I rübündə dünya bazarına ümumilikdə 43,45 milyon leptop çıxarılacaq ki, bu da 2012-ci ilin həmin dövrü və əvvəlki kvartal ilə müqayisədə 8,9% və 10,4% daha az olacaq. Ekspertlər bildiriblər ki, əgər proqnoz təsdiqlənərsə, bu, 2009-cu ilin ikinci yarısından indiyə kimi ən aşağı rüblük nəticə olacaq.

Emil Hüseynov



Baxış sayı: 828

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024