12px13px15px17px
Tarix:09/02/13

Bu ay nağdsız hesablaşmaların stimullaşdırılması ilə bağlı təkliflər Prezident Administrasiyasına təqdim ediləcək

Azərbaycan Vergilər Nazirliyi dövlət başçısının tapşırığına uyğun olaraq fevralın sonuna kimi qeyri-leqal məşğulluğun aradan qaldırılması və əməkhaqlarının rəsmiləşdirilməsi, eləcə də nağdsız hesablaşmaların stimullaşdırılması ilə bağlı təkliflərini Prezident Administrasiyasına təqdim edəcək.

"ICTnews.az" elektron xəbər xidmətinin məlumatına görə, bu barədə vergilər naziri Fazil Məmmədov danışıb. O bildirib ki, sözügedən təkliflərdə işçi ilə işəgötürən arasında bağlanan müqavilənin yeni hesabat formalarının hazırlanması, qeydiyyatın elektronlaşması kimi məsələlər əksini tapacaq.

Dövlət başçısının tapşırığı ilə nağdsız hesablaşmaların stimullaşdırılması ilə bağlı təkliflərdə isə inzibati üsullardan daha çox, stimullaşdırıcı metodlara üstünlük veriləcək. Nazir onu da əlavə edib ki, artıq təkliflər üzərində işlər başlayıb: «Bunun qanun və ya fərman formasında təsdiqlənməsi isə dövlət başçısının səlahiyyətinə aiddir».

SEYMUR



Baxış sayı: 706

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024