12px13px15px17px
Tarix:20/02/13

Metropolitendə texnoloji vasitələrin köməyi ilə xətlərin ayrılmasında “Yeni Avstriya” metodu tətbiq ediləcək

Bakı Metropolitenində (BM) mövcud xətlərin nizamlı fəaliyyəti təmin ediləcək. Bu məqsədlə xətlərin ayrılmasını Fransanın tikinti nəhəngi "Buiq"lə (fr.-"Boygues") yerli "Akkord" şirkəti birlikdə həyata keçirəcəklər. "ICTnews" elektron xəbər xidmətinə bu barədə BM-dən məlumat verilib.

Qurumdan qeyd edilib ki, xətlərin ayrılmasında "Yeni Avstriya" metodu tətbiq ediləcək: "Bu üsul tətbiq oluna biləcək iki-üç üsuldan biridir. Metod, dünya təcrübəsində olduğu kimi, jet-qrautinq, inyeksiya, anker kimi əlavə texnoloji vasitələrdən istifadə etməklə tətbiq ediləcək".

Metodun ümumi prinsipləri, tətbiqi imkanları bəlli olsa da, layihə beynəlxalq ekspertizadan da keçiriləcək. Bu məqsədlə dünyada tanınmış 3 şirkət arasından seçim edilib: "Mühəndis ekspert rəylərinin verilməsinin səlisliyi ilə fərqlənən "Amber İnciniərinq AG" ("Amber Engineering AG") şirkətinə həvalə olunub".

"Yeni Avstriya"ya gəlincə, ötən əsrin 50-60-cı illərində avstriyalı mühəndislərin ixtira etdiyi metod şəklini dəyişən tağtavanlı qurğu ilə tunel qazıntısına söykənir: "Bu metod tətbiq olunarkən, sistemli olaraq, süxurların təzyiqi, təsiri, deformasiyanın həddini müəyyənləşdirmək üçün nəzarət-yoxlama ölçüləri aparılmalıdır. Hidrogeoloji şərait nəzərə alınaraq, Bakıda işlərə jet-qrautinq inyeksiya ilə başlanması nəzərdə tutulur".

HƏQİQƏT



Baxış sayı: 792

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024