12px13px15px17px
Tarix:26/02/13

“Visa” və “Samsung” mobil ödənişlərin inkişafı məqsədilə əməkdaşlıq edəcəklər

"Visa" şirkəti mobil ödənişlərin inkişafı məqsədilə "Samsung" şirkəti ilə əməkdaşlıq sazişi imzaladığını bəyan edib.

"ICTnews.az" elektron xəbər xidməti "itc.ua" saytına istinadən bildirir ki, "Samsung"un növbəti nəsil "ağıllı" telefonlarında "payWave" mobil pul kisəsi tətbiqi quraşdırılacaq.

Tətbiq vasitəsilə "ağıllı" telefona quraşdırılmış "NFC" çipindən istifadə edərək kontaktsız ödənişlər etmək mümkün olacaq. Bundan başqa, mobil ödənişlər proqramını işə salmaq istəyən maliyyə təşkilatları "Visa Mobile Provisioning Service" xidmətinə giriş əldə edəcək.

Bu xidmət "Samsung" şirkətinin "NFC" texnologiyasını dəstəkləyən mobil qurğularına ödəmə hesabları haqqında informasiyanı təhlükəsiz yükləməyə imkan verir.

Emil Hüseynov



Baxış sayı: 695

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 Aprel 2024

25 04 2024