12px13px15px17px
Tarix:27/02/13

Kosmik texnologiyalar üzrə xarici şirkətlərin ölkəmizə olan marağı daha da artıb

Azərbaycanın ilk milli telekommunikasiya peyki "Azərspace-1" orbitə buraxılandan sonra kosmik texnologiyalar üzrə xarici şirkətlərin ölkəmizə olan marağı daha da artıb. Məlum olduğu kimi, Azərbaycan yaxın gələcəkdə yeni peyklərin orbitə çıxarılması istiqamətində fəaliyyətini davam etdirir. Belə ki, Yer səthinin müşahidəsi üçün Azərbaycan peykinin aşağı Yer orbitinə çıxarılması 2015-ci ilə, ikinci telekommunikasiya peykinin 2016-cı ilə, 2020-ci ilədək isə bir və ya bir neçə optik və radar peyklərin orbitə çıxarılması planlaşdırılıb.

Azərbaycan BMT-nin müvafiq komitəsində kosmik ölkələr sırasına qəbul olunub, kosmik fəzanın sülh məqsədlərilə istifadəsi üzrə öhdəliklər götürüb ki, bu da hər bir ölkənin uğurlu, dayanıqlı inkişafı üçün atılmış mühüm addımlardan biridir. Peykin orbitə çıxarılmasında beynəlxalq əməkdaşlıq əlaqələrinin mühüm rolu olub. Amerikanın "Orbital" və Fransanın "Arianespace" şirkətlərinin köməyi, dəstəyi və fəaliyyəti nəticəsində bu gün Azərbaycanın ilk milli telekommunikasiya peyki fəzadadır. Əməkdaşlıq əlaqələrinin davamlı inkişafı isə Azərbaycanda kosmik sənayenin inkişafına etibarlı zəmin, böyük imkanlar yaradır.

AMEA İnformasiya Texnologiyaları İnstitutunda Argentinanın kosmik texnologiyalar üzrə INVAP şirkətinin səlahiyyətli nümayəndələri ilə keçirilən görüş də bu sahədə əməkdaşlıq əlaqələrinin qurulması, birgə layihələrin həyata keçirilməsi məqsədi daşıyırdı.

Görüşdə INVAP-ın nüvə sahəsi üzrə vitse-prezidenti Xuan Pablo Ordonez, şirkətin baş meneceri Hektor Ozeguy, vitse-prezidentin layihələr üzrə müavini Marselo Basigalup, Argentinanın Azərbaycandakı səfirliyinin konsulu Qabriel Jorquera və institutun alim və mütəxəssisləri iştirak edirdilər.

Qeyd edək ki, Argentinanın INVAP şirkəti nüvə, kosmik, energetika, tibb sahələri üzrə yüksək texnoloji layihələr həyata keçirir.

Şirkət dünyanın 30-dan artıq ölkəsinə avadanlıqlar tədarük edir. INVAP-ın Avstraliya, Braziliya, Venesuela, Misir və ABŞ-da ofis və törəmə müəssisələri fəaliyyət göstərir. INVAP Latın Amerikasında NASA-nın kosmik texnologiyaların tədarükü üçün sertifikat verdiyi yeganə şirkətdir. INVAP materikdə həm də peykin həyat tsiklinə tam təminat verən yeganə şirkətdir.

Şirkətin hesabında CONAE Milli Kosmik Agentliyinin sifarişi ilə orbitə buraxılmış SAC (Satelites de Aplicación Científica) seriyalı 4 peyk vardır.

INVAP-ın vitse-prezidenti Xuan Pablo Ordonez kosmik texnologiyaların regionun təbii resurslarının potensialı, iqtisadi və ekoloji vəziyyəti haqda daha aktual və obyektiv informasiyanın əldə olunmasına imkan verdiyini söyləyərək şirkətin fəaliyyəti, həyata keçirilən layihələr haqqında ətraflı məlumat verdi.

O, INVAP-da 3 Nobel mükafatı laureatının çalışdığını söyləyərək, şirkət əməkdaşlarının 88%-nin mühəndis və alimlərdən ibarət olduğunu qeyd etdi. Şirkətin Azərbaycanla kosmik sahə üzrə əlaqələrin qurulmasında maraqlı olduğunu bildirən qonaq birgə layihələrin həyata keçirilməsi, bilik, təcrübə və kadr mübadiləsinin aparılmasına hazır olduqlarını vurğuladı.

AMEA İnformasiya Texnologiyaları İnstitutunun direktoru, AMEA-nın müxbir üzvü Rasim Əliquliyev kosmik texnologiya və telekommunikasiyaların ölkə iqtisadiyyatının davamlı və dayanıqlı inkişafının təmin edilməsində prioritet istiqamətlərdən olduğunu bildirdi.

Kosmik sənayedə tərəqqinin vətəndaş cəmiyyətinin sosial-iqtisadi inkişafında keyfiyyətcə yeni səviyyənin əldə olunması, milli təhlükəsizlik məsələlərinin həllinin təminində mühüm əhəmiyyət kəsb etdiyini söylədi. Bu sahədə həyata keçirilən işlərin əhaliyə göstərilən informasiya xidmətlərinin səmərəsi və keyfiyyətinin yüksəlməsi, ölkə iqtisadiyatının bütün sahələrində müasir informasiya infrastrukturunun inkişaf etdirilməsi baxımından önəmliyini bildirdi.

R.Əliquliyev nüvə və kosmik sənayedə İT-nin imkanlarından geniş istifadə olunduğunu qeyd edərək bildirdi ki, bu proseslərdə mütərəqqi informasiya texnologiyaları tətbiq olunmadan innovativ nəticələrə nail olmaq mümkün deyil. İnstitut direktoru bu gün dünyada Cloud texnologiyaları, informasiya təhlükəsizliyi, data mining, veb-texnologiyalar, proqram mühəndisliyi sahəsində yüksək nəticələrin əldə olunduğunu bildirərək institutda bu istiqamətdə aparılan elmi tədqiqatlar haqqında geniş məlumat verdi.

Sonra əməkdaşlıq istiqamətləri, perspektivləri müzakirə edildi, qarşılıqlı maraq doğuran məsələlər ətrafında geniş fikir mübadiləsi aparıldı.



Baxış sayı: 516

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






01 İyun 2020

01/06/20
Yeni “Redmi 10X” smartfonu satışa çıxarılıb

“Redmi” şirkəti iyunun 1-də Çində ötən həftə təqdim edilən “Redmi 10X” smartfonunu satışa çıxarıb. O,

01/06/20
“Android” smartfonları üçün yeni “Samsung” prosessoru təqdim edilib

“Samsung” şirkəti mobil prosessorlar çeşidini genişləndirərək “Exynos 850” adlı çip təqdim

01/06/20
“HUAWEI”nin yeni hazırlaması “5G” texnologiyasının istifadəyə verilməsini daha asan və ucuz edir

“5G” simsiz rabitə texnologiyası daha kütləvi “3G” və “4G” ilə müqayisədə sürət

01/06/20
Azərbaycanda poçt rabitəsinin yaradılmasından 202 il ötür

Azərbaycanda poçt rabitəsinin yaradılmasından 202 il ötür. Ölkəmizdə poçt rabitəsi Səfəvilərin hakimiyyəti 

31 05 2020

31/05/20
Görkəmli Azərbaycan aktrisası Leyla Bədirbəylinin anadan olmasının 100 illiyi münasibətilə poçt markası buraxıldı

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC tə

31/05/20
“Xiaomi” şirkəti “6G” şəbəkəsinin sınaqlarına başlayıb

Çinin “Xiaomi” korporasiyası altıncı nəsil şəbəkəsinin ilkin sınaqlarına başlayıb. Bu haqda "Sinxua" xəbə

31/05/20
“Samsung Galaxy Watch Active 2” rəsmi olaraq tibbi cihaz statusu əldə edib

Hər il 16 milyondan çox insan insult keçirir. Elektrokardioqrama (EKQ) və qan təzyiqinə daimi nəzarət ürə

31/05/20
“LG” şirkətinin 48 düymlük ilk “4K OLED” televizoru nə vaxt satışa çıxarılacaq?

“LG” şirkəti 48 düym diaqonallı ilk “4K OLED” televizorun ABŞ-da satışa çıxarılma vaxtını açıqlayıb.<

31/05/20
İsveçdə ilk “5G” şəbəkəsi işə salınıb

“Tele2” telekommunikasiya şirkəti mayın 24-də İsveçdə ilk beşinci nəsil mobil rabitə şəbəkəsini (5G) isti

31/05/20
“IDC”: fərdi kompüter bazarı yalnız gələn il bərpa olunacaq

“International Data Corporation” (IDC) analitik şirkətinin analitikləri hesab edirlər ki, qlobal fərdi ko

31/05/20
Ən populyar smartfon açıqlanıb

“iPhone 11” 2020-ci ilin birinci rübünün yekunları üzrə ən populyar smartfon seçilib. Bu barədə “9t

31/05/20
“Android” sistemində aşkar edilmiş boşluq milyardlarla qurğunun təhlükəsizliyinə təhdiddir

Vaxtaşırı populyar əməliyyat sistemlərində aşkar edilmiş boşluqlar haqqında məlumatlar yayılır. Bu baxımd

31/05/20
“Microsoft” jurnalistləri robotlarla əvəzləyəcək

“Microsoft” korporasiyasının “MSN” portalında çalışan onlarla jurnalist robotlarla əvəzlənəcək.