12px13px15px17px
Tarix:28/02/13

“Elektron hökumət” portalına sığortaolunanlar barədə məlumat bazası yerləşdirilib

Dövlət Sosial Müdafiə Fondunda (DSMF) qeydiyyatda olan 1 milyon 272 min 136 nəfər əmək pensiyaçısının və 2 milyon 360 mindən artıq sığortaolunanların özlərinə aid istənilən məlumatı internet sistemi vasitəsilə dərhal əldə edə bilməsi üçün ölkə əhalisinin 40 faizə qədərini əhatə edən ümumi məlumat bazası "Elektron hökumət" portalına yerləşdirilib.

Bu barədə Dövlət Sosial Müdafiə Fondunun (DSMF) sədri Səlim Müslümov DSMF-nin Xəzər rayon şöbəsinin yeni inzibati binasının açılışında məlumat verib. Sədr bildirib ki, fondun bütün orqanlarında müasir standartlara cavab verən avtomatlaşdırılmış iş yerləri yaradılıb: "Sığorta-pensiya sisteminin idarə olunmasını avtomatlaşdırmaq üçün fondun 3 departamenti və 82 rayon (şəhər) şöbəsindən 77 şöbə yeni müasir ofis binaları ilə təmin edilib.

Bununla yanaşı, 85 yerli şöbənin lokal şəbəkələri mərkəzi informasiya bazasına birləşdirilərək fondun korporativ şəbəkəsi formalaşdırılıb". S.Müslümov DSMF-nin rayon şöbələrinin fəaliyyətinin avtomatlaşdırılmasının, pensiya təyinatında bu ildən etibarən tətbiq olunacaq yeniliklərə keçmək üçün hərtərəfli imkan yaratdığını bildirib.

HƏQİQƏT



Baxış sayı: 1088

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024