12px13px15px17px
Tarix:30/07/11

ÜPİ nümayəndəsi Azərbaycan poçtunun işi ilə tanış olub

2014-cü ildən başlayaraq Ümumdünya Poçt İttifaqının (ÜPİ) üzv ölkələri arasında beynəlxalq məktub korrespondensiyasının mübadiləsinə görə qarşılıqlı hesablaşmada təkcə trafik deyil, həmçinin təyinat ölkəsinə çatdırma keyfiyyəti nəzərə alınacaq.
Bununla bağlı Azərbaycanın Milli Poçt Operatoru “Azərpoçt” MMC tərəfindən cari ildə bir sıra hazırlıq işləri həyata keçirilir. Təyinat ölkəsinə çatdırma keyfiyyətinin ölçülməsi üçün “Azərpoçt” MMC 2012-ci ildə ÜPİ-nin Qlobal monitorinq sisteminə (UPU Global Monitoring System) qoşulmağı planlaşdırır. Bu məqsədlə ÜPİ-nin eksperti Fal Birahlil müvafiq tədqiqat işlərinin aparılması üçün Bakıda səfərdədir.
Səfər zamanı ÜPİ nümayəndəsi “Azərpoçt” MMC-nin aidiyyatı işçiləri ilə görüşlər keçirib, Poçt Daşıma Mərkəzində və Heydər Əliyev Hava Limanında Poçt mübadiləsi mərkəzində olaraq qurulacaq avadanlıqlar üçün yerlər müəyyənləşdirib, texnoloji proseslərin təkmilləşdirilməsi üçün müvafiq təkliflərini verib.



Baxış sayı: 1168

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024