12px13px15px17px
Tarix:11/03/13

Bu gün Vannevar Buş anadan olduğu gündür

Vannevar Buş 1890-cı il martın 11-də Massaçusets ştatının Everett şəhərində anadan olub. O, 1914-1917-ci illərdə Tafta Universitetində işləyib. Orada həm dərs deyib, həm də ABŞ Hərbi Dəniz Qüvvələri üçün sualtı gəmilərin aşkar edilməsi üzrə araşdırmalar aparıb.

Vannevar Buş 1919-cu ildə Kembric şəhərində yerləşən Massaçusets Texnologiya İnstitutuna daxil olub. 1920-ci illərin sonunda böyük elektrik şəbəkələrinin işini modelləşdirən şəbəkə analizatorunu ixtira edib. 1930-cu ildən etibarən bir qrup həmkarla birlikdə diferensial tənliklərin həlli üçün nəzərdə tutulmuş diferensial analizator üzərində işləyib.

Analizator elektrik vasitəsilə işə salınıb və informasiyanın saxlanılması üçün elektron lampalardan istifadə olunub. Lakin Buşun diferensial analizatorunda bir mühüm çatışmazlıq var idi: çəkisi çox idi və otağın bütün ərazisini tuturdu. Hətta diferensial analizatorun 1942-ci ildə quraşdırılmış modelinin çəkisi 200 ton idi. Buş 1939-cu ildən 1955-ci ilədək Karneqi İnstitutunun prezidenti olub.

Emil Hüseynov



Baxış sayı: 778

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024