İNTERNET

Tarix:14/03/13

“Skype” üzərindən edilən zəng və yazışmaları izləmək mümkündür

Rusiyanın təhlükəsizlik xidməti "Skype" internet-telefoniya servisi vasitəsilə aparılan danışıqlara qulaq asmağı öyrənib. Kibercinayətlərin araşdırması ilə məşğul olan, "Group-IB" şirkətinin rəhbəri İlya Saçkovun sözlərinə əsasən, təhlükəsizlik xidmətləri artıq "bir neçə ildir ki" bu danışıqlara nəzarət edir və hətta istifadəçinin yerini müəyyən edirlər.

Ödəniş sistemləri sahəsində provayder xidmətləri göstərən "Peak Systems" şirkətinin icraçı direktoru Maksim Emmin verdiyi məlumata əsasən, "Microsoft" şirkəti 2011-ci ilin may ayında "Skype" şirkətini aldıqdan sonra, servisi qanuni izləmə texnologiyası ilə təchiz edib.

Beləliklə, istənilən istifadəçini, şifrələmə açarları istifadəçinin qurğusunda yox, serverdə generasiya edilən, xüsusi rejimə keçirmək olar. Serverə çıxışı olanlar danışıq və ya yazışmaları izləyə bilər, bu xidməti "Microsoft" Rusiyadan başqa bir sıra ölkələrin təhlükəsizlik xidmətlərinə təqdim edir.

Bununla yanaşı, "Skype" proqramının Çin versiyasında "klaviatura casusu" proqramı daxildir ki, bu da klaviaturada yığılan hərflərin və rəqəmlərin ardıcıllığını yadda saxlayır.

Bu proqram, "Skype"-da yığılan məlumatları "arzuedilməz" sözlərin mövcudluğunu yoxlamaq üçün istifadə edir, yığılan məlumatları isə Çin təhlükəsizlik xidmətinə ötürür.

"TOM-Skype"-da arzuedilməz kontentin izlənilməsi ilə yanaşı, "Human Rights Watch", «Sərhədsiz reportyorlar», "BBC News" kimi söz birləşmələri və həmçinin protest aksiyalarının keçirilməsi üzrə planların müzakirəsi izlənir.

AYNUR

Baxış sayı: 792