12px13px15px17px
Tarix:14/03/13

ABŞ-ın Massaçusets Texnologiya İnstitutu ilə gələcəkdə birgə əməkdaşlığın perspektivləri müzakirə edilib

Azərbaycan seysmoloqları dünyaşöhrətli seysmoloq alim, ABŞ-ın Massaçusets Texnologiya İnstitutunun professoru Nafi Toksözlə görüş keçirib. Görüş AMEA Respublika Seysmoloji Xidmət Mərkəzinin (RSXM) direktoru, geologiya-mineralogiya elmləri doktoru Qurban Yetirmişlinin rəhbərlik etdiyi nümayəndə heyətinin Oman Sultanlığına səfəri çərçivəsində reallaşıb.

"ICTnews" elektron xəbər xidmətinə RSMX-dən bildirilib ki, görüşdə tərəflərin gələcəkdə birgə əməkdaşlığının perspektivləri müzakirə edilib. Qeyd edək ki, səfər Oman Sultanlığının paytaxtı Maskat şəhərində keçirilən "8-ci Körfəz Seysmik Forum"unda iştirak məqsədilə həyata keçirilib.

Dünyanın 40-dan çox ölkəsinin seysmoloq alim və mütəxəssislərinin iştirak etdiyi tədbirdə Körfəz ölkələrində, eləcə də forumda iştirak edən ölkələrdə seysmik təhlükə və riskin qiymətləndirilməsi ətrafında məruzələr dinlənilib, müzakirələr aparılıb. Forumda ölkəmizi təmsil edən RSXM-ın nümayəndə heyəti respublika ərazisindəki seysmik şərait və risk haqqında ətraflı məruzə təqdim ediblər.

Müzakirələr zamanı növbəti forumun gələn il Bakıda keçirilməsi ilə bağlı fikir mübadiləsi də aparılıb. Forumun gələn ilin yaz-yay aylarında keçirilməsi nəzərdə tutulur.

HƏQİQƏT



Baxış sayı: 545

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Fevral 2020

16 02 2020