12px13px15px17px
Tarix:18/03/13

Avtobuslarda gediş haqqını mobil telefonlar vasitəsilə ödəmək mümkün olacaq

Bakıda avtobuslara monitorlar quraşdırılır. Bu barədə “ICTnews” elektron xəbər xidmətinə Nəqliyyat Nazirliyinin mətbuat xidmətinin rəhbəri Namiq Həsənov məlumat verib.

Onun sözlərinə görə, pilot layihə kimi bəzi avtobuslara əlavə monitorlar quraşdırılıb. Bu monitor vasitəsilə sərnişin həmin marşrutun hərəkət istiqaməti və avtobusun şəhərin harasında olduğunu görə bilir. N.Həsənov bildirdi ki, yaxın günlərdə avtobuslarda gediş haqqının kartla ödənilməsi sistemi tətbiq ediləcək.

”Hələlik bu, müəyyən avtobuslarda tətbiq ediləcək və ilk gediş kimi ödənişin paralel aparılması variantı da var. Metroda olan trunketler avtobusun giriş qapısında qurulacaq. Kartı aparata yaxınlaşdırıb oxutmaqla yaşıl işıq yandırmaq olar”- deyə o bildirib.

N.Həsənov deyib ki, kart sisteminə keçid həm sərnişinlər, həm də nəqliyyatçılar üçün böyük rahatlıq yaradacaq. Avtobuslarda gediş haqlarının istifadəsini asanlaşdırmaq üçün Bakı şəhərində qurulan Nəqliyyatın İntellektual İdarəetmə Sistemi çərçivəsində də müəyyən elementlər nəzərdə tutulub.

Belə ki, kartlardakı vəsait qalığını avtobus dayanacaqlarında quraşdırılan monitorlar vasitəsilə də öyrənmək mümkün olacaq. Bunun üçün kartı monitorun buna görə nəzərdə tutulan hissəsinə yaxınlaşdırmaq kifayət edəcək. Kart sisteminə keçidlə əlaqədar paytaxtın müxtəlif ərazilərində kartların avtomatik satışı üçün xüsusi qurğular quraşdırılacaq. Bu qurğularda kart almaq və ona lazımi məbləği yükləmək mümkün olacaq. Belə qurğular çoxsaylı ərazilərdə quraşdırılacaq ki, əhali bu kartları tapmağa çətinlik çəkməsin.

Bundan başqa, Bakıya xaricdən və ya ölkənin regionlarından bir neçə günlüyə gələnlər də belə kartlardan istifadə etməli olacaq. Belə şəxslərin kart almalarını asanlaşdırmaq üçün aeroport, avtovağzal, dəmiryol vağzalı və s. yerlərdə də kartların satışı qurğuları quraşdırılacaq. Kartlardan hətta bir günlüyə də istifadə etmək mümkün olacaq. İstənilən şəxs kartı istifadə etdikdən sonra onu həmin qurğular vasitəsilə qaytara və ona yüklədiyi məbləği geri ala bilər.

Bu məqsədlə qurğular pulu qəbul etməklə yanaşı, kartı qəbul etmək və pulu geri qaytarmaq funksiyasına da malik olacaq. Qeyd edək ki, gələcəkdə metroda pilot olaraq tətbiq edilən kimi, avtobuslarda da gediş haqqını mobil telefonlar vasitəsilə ödəmək mümkün olacaq.

RƏVAN



Baxış sayı: 491

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Sentyabr 2019

20 09 2019

20/09/19
2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna 

20/09/19
“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda

20/09/19
Yapon alimləri ehtimala əsaslanan ilk kompüter təqdim ediblər

Yaponiyanın Toxoku və ABŞ-ın Perdyu universitetlərinin  mühəndisləri 

20/09/19
"Əsrin müqaviləsi"nin 25 illiyinə həsr olunmuş poçt markaları dövriyyəyə buraxılıb

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC 

20/09/19
“Facebook” televizor vasitəsilə videoçat üçün qurğu təqdim edib

“Facebook” şirkəti televizordan “Messenger” və “WhatsApp” proqramları 

20/09/19
“KaiOS” platformalı mobil telefonların tədarükü 65 faiz artacaq

“Digitimes Research” tədqiqat şirkəti 2019-cu ildə “KaiOS” əməliyyat sisteminin idarəetməsi ilə işləyən 

20/09/19
“WannaCry” virusunun versiyaları durmadan artır

 “WannaCry” fırıldaqçı virusunun yayılmasından iki il ötməsinə baxmayaraq o aktiv olmaqla yanaşı

20/09/19
“Huawei Mate 30” smartfonu nümayiş olunub

Çinin “Huawei” şirkəti Münhendə keçirilən təqdimatda yeni qabaqcıl “Mate 30” smartfonunu nümayiş etdir