12px13px15px17px
Tarix:28/03/13

1453 hektarda ən müasir texnologiyaya əsaslanan damcılı suvarma şəbəkəsi quraşdırılacaq

Azərbaycan Respublikası Prezidentinin göstərişinə əsasən Ekologiya və Təbii Sərvətlər Nazirliyi (ETSN) tərəfindən hazırlanmış və 2010-2013-cü illəri əhatə edən "Respublikanın əsas magistral avtomobil yollarının ətrafının estetik görkəminin dəyişdirilməsi məqsədilə yaşıllıqların salınması və ən müasir tələblərə cavab verən damcılı suvarma sisteminin quraşdırılmasına dair" layihələrin icrası vaxtından əvvəl başa çatdırılıb.

Ümumi smeta dəyəri 20 milyon 145 min manat olan bu layihəyə görə Bakı-Quba, Bakı-Şamaxı, Bakı-Qazax, Bakı-Astara və Bakı Hava Limanı magistral avtomobil yollarında 775 hektar ərazidə yaşıllıqların salınması, 1453 hektarda isə ən müasir texnologiyaya əsaslanan damcılı suvarma şəbəkəsinin quraşdırılması nəzərdə tutulub.

"ICTnews" elektron xəbər xidmətinə ETSN-in Mətbuat xidmətindən bildirilib ki, iki mərhələdə həyata keçirilməli olan layihələrin icrası üçün I mərhələdə dövlət büdcəsindən ayrılmış 10 milyon 760 min manat vəsait nazirlik tərəfindən qənaətlə istifadə edilərək işlər vaxtından əvvəl yekunlaşıb.

Ümumi uzunluğu 250 km-ə qədər ana boru xətləri, 5000 km-ə qədər damcılı suvarma boruları, 6 su anbarı, 5 sutəmizləyici qurğu (gündə 28 min m3 gücə malik), o cümlədən Şirvan kanalının duzlu sularını duzsuzlaşdıran Samur-Abşeron kanalının sularını təmizləyən (damcılı suvarma mikroborularının gözləri tutulmasın deyə) qurğular (gücü sutkada 2500 m3) quraşdırılıb.

1 hektar ərazinin İsrail avadanlığı ilə damcılı suvarma sistemi rekord ucuz qiymətə (1 ha ərazi 2500 manat) başa gəlməsi təmin edilib.

HƏQİQƏT



Baxış sayı: 960

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024